Desde o primeiro curso, os estudantes do Grao en Ciencia e Enxeñaría de Datos reciben unha formación na que se combina o estudo das materias cun importante ensino práctico na que se utilizarán as técnicas, ferramentas e tecnoloxías máis actuais para resolver problemas moi próximos á realidade. Formaráselles en competencias propias e contidos especializados que se centran en áreas fundamentais para o traballo de científico e enxeñeiro de datos como son a estatística, a programación, o aprendizaxe automática, a representación e almacenamento de datos, a computación de altas prestacións, o análise de imaxes ou do linguaxe natural. Os estudantes terán a oportunidade de avanzar no seu coñecemento a través de clases impartidas por profesores expertos e con ampla traxectoria científica en cada un destes ámbitos. A aprendizaxe baseada en proxectos permitirá ao estudante non só alcanzar competencias técnicas, directamente relacionadas coas materias de estudo, senón tamén competencias transversais como a capacidade de traballar en equipo, xerar un pensamento crítico e construtivo, xestionar tempos e recursos ou o desenvolvemento da súa cultura emprendedora. Esta oferta global de formación fará que os nosos estudantes adquiran os coñecementos e habilidades requiridos por diversos sectores laborais que cada vez máis precisan de expertos en análises e xestión de datos.