O Máster Interuniversitario en Nanociencia e Nanotecnoloxía integra nun corpo de coñecemento os avances que se están a producir no campo da nanociencia e das aplicacións tecnolóxicas dos nanosistemas en ámbitos moi diversos. Ofrece formación teórico-práctica sobre deseño racional de materiais na nanoescala, incluíndo fundamentos de bio-nanotecnoloxía e deseño computacional, procedementos de obtención de nanostruturas, técnicas de caracterización, aplicacións tecnolóxicas e biomédicas, e aspectos toxicolóxicos e legais. Trátase dun máster multidisciplinar de carácter transversal para as áreas de coñecemento Ciencias da Saúde, Ciencias, e Enxeñería e Arquitectura.